Lyrics

nabi ka mohsin, Khalifa awwal

sadaqaton ka azeem pekar

hamen abu bakar jaa n se pyara

hai qalb-e-ummat siddiq-e-akbar

nabi ho daamaad jis bashar ka

bashar wo kitna azeem tar hai

tamaam ashaab ka wo salaar

rahbar o zaat e-motabar hai

mila ke shaana chala nabi se

kathin maraahil men be Khatar hai

saf e  adoo pe gira hamesha

wo barq e imaa n kadakti ban kar

nabi ka mohsin, Khalifa awwal

sadaaqaton ka azeem pekar

hamen abubakr jaan se pyara

hai qalb e ummat siddiq e akbar

wo raazi rab se, rab us se raazi

wo paak, be daagh, gul badan tha

tha jannati shakhs qaul e aaqa

wo noor e imaan ki anjuman tha

wo halqa e dostaan men Khushbu

wo razm e baatil men safshikan tha

wo aaj bhi mominon ki dhadkan

munaafiqon ke liye hai Khanjar

nabi ka mohsin, Khalifa awwal

sadaqato.n ka azeem pekar

hamen abu bakr jaan se pyaara

hai qalbe ummat siddiq e akbar

tha ham safar, yaar e Ghaar e sarwar

wafa ki ik jaavidaan nishaani

dayaar e makka men sang aaqa 

ke sah gaya zulm o bad zubaani

tha baad az ambiya wo afzal

ki deen ki jis ne tarjumaani

wali nabi ka, umar ka saathi

Gani ki dhadhkan, wo jaan e haidar

nabi ka mohsin, khalifa awwal

sadaqaton ka azeem pekar

hamen abu bakr jaan se pyara

hai qalb e ummat siddiq e akbar

ajab sakhawat  nabi ke ailaan 

pe mohabbat se ghar lutaya

zakaat o Khairaat rokne wale

fitna baazon ka sar uraya

kabhi nubuwwat ke dawedaaron

ka jad se naam o nishaan mitaaya

kya shaan  rab ne sula diya 

un ko rauza e mustafa ke andar

nabi ka mohsin, Khalifa awwal

sadaaqaton ka azeem pekar

hamen abu bakr jaan se pyaara

hai qalb e ummat siddiq e akbar